Shpërthim pranë ambasadës amerikane në Oslo

Policia në Norvegji ka rrethuar zonën përreth ambasadës së Shteteve të Bashkuara në Oslo pas raportimeve për një shpërthim gjatë natës. 

Sipas policisë, forca të shumta u dërguan në vendngjarje rreth orës 01:00 me kohën lokale. Autoritetet janë në kontakt me ambasadën dhe deri më tani nuk raportohet për persona të lënduar. 

Zyrtarët thanë se ende nuk dihet saktësisht çfarë ka ndodhur apo kush mund të jetë i përfshirë. 

Sipas drejtuesit të operacionit policor, Michael Dellemyr, shpërthimi ndodhi pranë hyrjes publike të ndërtesës, duke shkaktuar vetëm dëme të vogla materiale. 

Ambasada amerikane ndodhet në zonën Morgedalsvegen, rreth 7 kilometra larg qendrës së Oslos.