Policia greke ka konfiskuar më shumë se 38 kilogramë kokainë të fshehur në një kontejner me banane në portin e Pireut.
Gjatë një inspektimi, oficerët zbuluan 33 pako me një peshë totale prej 38.2 kilogramësh, të fshehura me kujdes brenda kontejnerit të transportit midis njësisë së frigoriferit dhe murit të brendshëm.
Anija, e cila kishte origjinën nga Ekuadori dhe mbante 1,080 kuti me banane, kishte mbërritur në Portin e Pireut më 12 tetor.
Sipas vlerësimeve, sasia e sekuestruar mund të kishte gjeneruar fitime prej afërsisht 1 milion eurosh nëse do të shpërndahej në tregun vendas.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
