Shtetet e Bashkuara do të organizojnë këtë të enjte raundin e dytë të bisedimeve diplomatike mes Izraelit dhe Libanit në nivel ambasadorësh, pas takimit të parë historik javën e kaluar që nga viti 1993.
SHBA po luan rolin ndërmjetësues, duke e cilësuar procesin si një mundësi për uljen e tensioneve dhe kufizimin e ndikimit të Hezbollahut.
Shtetet e Bashkuara mirëpresin angazhimin produktiv që filloi më 14 prill. Ne do të vazhdojmë të lehtësojmë diskutimet e drejtpërdrejta dhe me mirëbesim midis dy qeverive.
Ndërkohë, presidenti iranian Masoud Pezeshkian ka deklaruar se Irani nuk do t’i nënshtrohet presionit amerikan dhe ka kërkuar dialog të bazuar në respekt dhe angazhime të ndërsjella.
Ai thotë se Irani ka një "mosbesim të thellë historik" ndaj qeverisë amerikane, i cili mbetet ende, duke shtuar se "respektimi i angazhimeve" duhet të jetë "baza e dialogut kuptimplotë".
“Sinjalet jokonstruktive dhe kontradiktore nga zyrtarët amerikanë mbartin një mesazh të hidhur; ata kërkojnë dorëzimin e Iranit”, shkruan ai në X.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
