Dirigjentja iraniane Paniz Faryousefi dirigjoi shfaqjet e Orkestrës Simfonike të Teheranit në Sallën Uniteti në kryeqytetin iranian, duke u bërë gruaja e parë në histori që dirigjon një orkestër simfonike në publik.
Kjo e bën dirigjenten e parë femër të ndonjë orkestre simfonike iraniane që nga Revolucioni Islamik i vitit 1979.
42-vjeçarja Faryousefi dirigjoi koncertet dy-ditore “Toka e Simurgh”, duke paraqitur vepra nga kompozitorët iranianë Aftab Darvishi dhe Golfam Khayam, së bashku me vepra nga Robert Schumann, Jean Sibelius dhe Aram Khachaturian .
Në Iran, jeta profesionale dhe kulturore e grave është ende e kufizuar ndjeshëm, ku ato nuk mund të këndojnë solo para burrave, për më tepër, në disa qytete iraniane, muzikanteve femra nuk u lejohet të performojnë në skenë, dhe madje edhe në kryeqytetin Teheran, atyre u ndalohet të ngrenë zërin ndërsa këndojnë në publik.
Pas vdekjes në paraburgim në vitin 2022 të 22-vjeçares Mahsa Aminit, të arrestuar për mos mbajtjen e shamisë, në Iran shpërthyen protesta masive në rrugë për disa muaj.
Pas trazirave, qeveria lehtësoi disa kufizime dhe gratë e reja janë bërë më të pranishme në disa fusha të jetës shoqërore dhe kulturore.
Sipas disa analistëve, pas luftës 12-ditore midis Iranit dhe Izraelit qershorin e kaluar, autoritetet iraniane po tregojnë tolerancë më të madhe ndaj lirive shoqërore të qytetarëve, veçanërisht grave, ndërsa vazhdojnë të monitorojnë çdo shenjë të mospajtimit politik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
