Tensione diplomatike janë shfaqur mes Shteteve të Bashkuara të Amerikës dhe Polonisë pasi ambasadori amerikan në Varshavë, Tom Rose, ndërpreu marrëdhëniet me kryetarin e Parlamentit polak, Vlodzimies Czarzasty, për shkak të kritikave të tij ndaj Donald Trump dhe refuzimit për të mbështetur nominimin e tij për Çmimin Nobel për Paqen.
Rose i cilësoi komentet e Czarzasty si fyerje të ashpra dhe të paprovokuara, duke deklaruar se ato përbëjnë pengesë për marrëdhëniet e mira SHBA-Poloni.
Reagimi i ambasadorit nxiti kritika nga kryeministri polak Donald Tusk, i cili theksoi se aleatët duhet të respektojnë njëri-tjetrin.
Czarzasty argumentoi se Trump nuk e meriton çmimin, duke përmendur deklarata fyese ndaj aleatëve të NATO-s dhe rolin e tij destabilizues në organizata ndërkombëtare.
Megjithatë Rose e mbrojti Trump dhe theksoi respektin e tij për Tusk, duke e quajtur një aleat të fortë të SHBA-së.
Debati nxori në pah ndarjet politike në Poloni mbi marrëdhëniet me SHBA-në, ku qeveria pro-evropiane e Tuskut është skeptike ndaj Trumpit, ndërsa figura nacionaliste pro-MAGA theksojnë lidhjet e ngushta me të.
Megjithëse Polonia mbetet një aleat kyç i SHBA-së dhe NATO-s, shumica e polakëve kanë një qëndrim negativ ndaj politikave të Trump.
Pavarësisht refuzimit të ofertës së SHBA-së dhe Izraelit për të mbështetur nominimin e Trump për Çmimin Nobel për Paqen, Czarzasty theksoi: “Unë vazhdoj t’i respektoj Shtetet e Bashkuara si një partner kyç të Polonisë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
