Presidenti Donald Trump ka pezulluar lotarinë amerikane pas një sulmi masiv me armë zjarri në Universitetin Brown javën e kaluar, ku humbën jetën dy persona.
I dyshuari, një shtetas portugez i cili u gjet i vdekur të enjten, kishte hyrë në Shtetet e Bashkuara përmes programit të vizave të emigracionit me lotari për diversitet (DV1) në vitin 2017 dhe kishte përfituar kartën e gjelbër.
Sekretarja e Sigurisë Kombëtare, Kristi Noem, tha se ka pezulluar programin e vizave me urdhër të Trumpit për të “siguruar që asnjë amerikan tjetër të mos dëmtohet nga ky program katastrofik”.
Programi vë në dispozicion deri në 50,000 viza çdo vit përmes një procesi përzgjedhjeje të rastësishme mes aplikantëve nga vende me nivele të ulëta emigrimi drejt Shteteve të Bashkuara.
Duke shkruar në rrjetet sociale, Noem tha se Trump kishte “luftuar më parë për t’i dhënë fund” këtij programi në vitin 2017, pasi tetë persona u vranë në një sulm me kamion në Nju Jork.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
