Organizata e Kombeve të Bashkuara ka njoftuar se do të nisë një operacion të gjerë për evakuimin e më shumë se 11 mijë marinarëve që kanë mbetur të bllokuar në Gjirin Persik si pasojë e tensioneve të krijuara nga lufta mes SHBA-së, Izraelit dhe Iranit.
Sekretari i Përgjithshëm i Organizatës Ndërkombëtare Detare (IMO), Arsenio Dominguez, deklaroi se operacioni do të realizohet në bashkëpunim me Iranin, Omanin, Shtetet e Bashkuara, shtetet bregdetare të rajonit dhe industrinë detare.
“Ne kemi siguruar garancitë e nevojshme të sigurisë dhe kemi verifikuar plotësisht kushtet për lundrim të sigurt për të mbështetur këto operacione”, tha Dominguez.
Ndërkohë, pavarësisht marrëveshjes së përkohshme të arritur javën e kaluar për t'i dhënë fund konfliktit, Uashingtoni dhe Teherani vijojnë të kenë mosmarrëveshje mbi detajet e memorandumit të mirëkuptimit.
Shtetet e Bashkuara këmbëngulin se marrëveshja përfshin garanci që programi bërthamor iranian do t'i nënshtrohet inspektimeve të Agjencisë Ndërkombëtare për Energjinë Atomike (IAEA).
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
