Samiti midis presidentëve të SHBA-së dhe Rusisë, Donald Trump dhe Vladimir Putin, do të mbahet të premten në Anchorage të Alaskës. Konfirmimin e bëri zëdhënësja e Shtëpisë së Bardhë, Karoline Leavitt, në një konferencë për mediat.
Për arsye sigurie, takimi do të mbahet në bazën ushtarake Elmendorf-Richardson, e cila ndodhet në pjesën veriore të qytetit.
Samiti, i cili do të trajtojë paqen në Ukrainë, është ende në fazat e fundit të finalizimit, ndërsa zyrtarët amerikanë dhe rusë po nxitojnë të përgatiten për takimin e profilit të lartë.
Dy diplomatët më të lartë të vendeve të tyre përkatëse, Sekretari i Shtetit Marco Rubio dhe Ministri i Jashtëm Sergey Lavrov, folën të martën për të diskutuar “disa aspekte të përgatitjes”, sipas Ministrisë së Jashtme ruse.
Trump shpreson që pas takimit dypalësh në Alaska me Putinin, të ketë një samit trepalësh me presidentin rus dhe presidentin ukrainas Volodymyr Zelensky.
Presidenti ukrainas Volodymyr Zelensky po udhëton për në Berlin për të marrë pjesë në një videokonferencë të liderëve evropianë me Presidentin e SHBA-së Donald Trump, përpara takimit të këtij të fundit me Presidentin rus Vladimir Putin.
Por, ndërsa dalin në pah detajet e ditës vendimtare që i pret Trump dhe Putin në Alaska, presidenti ukrainas, i cili nuk do të marrë pjesë në samit, mbajti një konferencë për mediat.
Zelensky e konsideron samitin në Alaska me Presidentin e SHBA-së Donald Trump, i planifikuar për mesin e gushtit, një “fitore personale” për Vladimir Putin.
Së pari, ai do të takohet me Trumpin në tokën amerikane, gjë që e konsideroj një fitore personale për të.
Së dyti, ai po del nga izolimi sepse po takohet në tokën amerikane. Së treti, me këtë takim, ai në një farë mënyre i ka anashkaluar sanksionet.
Zelensky siguroi në një konferencë për mediat se trupat e tij nuk do të tërhiqen nga Donbas, siç kërkoi Presidenti rus Vladimir Putin. Ai shtoi se nëse ky territor bie në duart e Rusisë, ai do të përdoret për një “ofensivë të ardhshme”.
Donbasi përfshin rajonet e diskutueshme të Donetskut dhe Luganskut , kryesisht nën kontrollin e Moskës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
