Dick Cheney, i konsideruar si një nga zëvendëspresidentët republikanë më me ndikim në historinë e Shteteve të Bashuara të Amerikës, është ndarë nga jeta në moshën 84-vjeçare.
Cheney gjeti vdekjen të hënën në mbrëmje për shkak të ndërlikimeve të pneumonisë dhe sëmundjes kardiake dhe vaskulare, sipas një deklarate nga familja e tij.
“Richard B. Cheney, Zëvendëspresidenti i 46-të i Shteteve të Bashkuara, vdiq mbrëmë, më 3 nëntor 2025. Ai ishte 84 vjeç”, thuhej në një deklaratë të ndarë për mediat.
“Gruaja e tij e dashur prej 61 vitesh, Lynne, vajzat e tij, Liz dhe Mary, dhe anëtarë të tjerë të familjes ishin me të kur ai ndërroi jetë. Ish-nënpresidenti vdiq për shkak të ndërlikimeve të pneumonisë dhe sëmundjeve kardiake dhe vaskulare”, vazhdoi njoftimi.
Politikani i lindur në Nebraska shërbeu si shef i stafit të Shtëpisë së Bardhë për presidentin Gerald Ford në vitet ‘70-të, përpara se të kalonte një dekadë në Dhomën e Përfaqësuesve.
Ai njihet më së miri si zëvendëpresident i George W. Bush nga viti 2001 deri në vitin 2009 dhe si një arkitekt kyç i pushtimit të Irakut në vitin 2003 përmes luftës kundër terrorizmit pas 11 shtatorit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
