Një shpërthim i fuqishëm në një fabrikë fishekzjarrësh në provincën Hunan të Kinës ka shkaktuar të paktën 21 viktima dhe 61 të plagosur, sipas mediave shtetërore.
Ngjarja ndodhi të hënën pasdite në qytetin Liuyang, pranë kryeqytetit provincial Changsha, një zonë e njohur për prodhimin e fishekzjarrëve.
Pas incidentit, rreth 500 ekipe shpëtimi u angazhuan në terren, ndërsa autoritetet evakuuan banorët për shkak të rrezikut nga depozitat e barutit të zi brenda kompleksit.
Operacionet e kërkim-shpëtimit u mbështetën edhe nga përdorimi i robotëve, ndërsa u vendos një perimetër sigurie prej disa kilometrash.
Personi përgjegjës i kompanisë është ndaluar dhe hetimet për shkaqet e shpërthimit janë në zhvillim.
Presidenti kinez Xi Jinping ka kërkuar një hetim të plotë dhe të shpejtë, si dhe masa të rrepta ndaj përgjegjësve.
Ai gjithashtu bëri thirrje për forcimin e kontrolleve të sigurisë në industri dhe rritjen e masave për mbrojtjen e jetës dhe pronës së qytetarëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
