Sekretari i Thesarit i SHBA-së, Scott Bessent, deklaroi se Uashingtoni mund të arrijë një marrëveshje me Iranin deri nesër për rihapjen e Ngushticës së Hormuzit, një nga rrugët më të rëndësishme të transportit detar të naftës në botë.
Në një intervistë për CNBC, Bessent tha se bisedimet me palën iraniane janë në zhvillim dhe se ekziston mundësia që marrëveshja të finalizohet brenda një ose dy ditësh. Sipas tij, qëllimi është rikthimi i lirisë së lundrimit dhe normalizimi i situatës në rajon.
Megjithatë, Irani nuk ka reaguar ende ndaj deklaratave të Bessent dhe më herët ka mohuar se po zhvillon negociata me Shtetet e Bashkuara.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
