Presidenti kinez Xi Jinping i ka dërguar një paralajmërim të drejtpërdrejtë ish-presidentit amerikan Donald Trump lidhur me tensionet mbi Taiwan, duke deklaruar se mënyra se si trajtohet kjo çështje mund të përcaktojë fatin e marrëdhënieve mes dy superfuqive botërore.
Sipas mediave shtetërore kineze, Xi tha gjatë një samiti se çështja e Tajvanit mbetet “tema më e rëndësishme në marrëdhëniet Kinë-SHBA”, duke paralajmëruar se çdo keqmenaxhim mund të çojë në përplasje të drejtpërdrejtë apo edhe konflikt të hapur mes dy vendeve.
Transmetuesi shtetëror CCTV raportoi se lideri kinez theksoi se tensionet mbi ishullin e vetëqeverisur rrezikojnë të shtyjnë marrëdhëniet dypalëshe në “një situatë shumë të rrezikshme”.
Edhe agjencia shtetërore Xinhua publikoi të njëjtin mesazh, duke e paraqitur Tajvanin si vijën më të ndjeshme në raportet mes Pekinit dhe Uashingtonit.
Deklaratat vijnë në një moment kur rivaliteti strategjik mes Kinës dhe SHBA-ve vazhdon të thellohet, ndërsa Pekini rrit presionin diplomatik dhe ushtarak ndaj Tajvanit, të cilin e konsideron pjesë të territorit të vet.
Nga ana tjetër, SHBA-të kanë vazhduar mbështetjen politike dhe ushtarake për Tajvanin, duke acaruar më tej marrëdhëniet me Kinën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
