Zëvendëspresidenti i Shteteve të Bashkuara, JD Vance, deklaroi këtë të premte se Uashingtoni synon të zhvillojë “negociata pozitive” me Irani, në një kohë kur po diskutohen përpjekjet për armëpushim.
Deklarata u bë pak para se ai të nisej me avionin zyrtar Air Force Two drejt Pakistani, ku pritet të zhvillohen bisedimet.
“Siç ka thënë edhe presidenti i Shteteve të Bashkuara, nëse iranianët janë të gatshëm të negociojnë me mirëbesim, ne jemi plotësisht të gatshëm t’u shtrijmë dorën”, u shpreh Vance.
Ai paralajmëroi gjithashtu se, nëse pala iraniane përpiqet të manipulojë procesin, reagimi amerikan nuk do të jetë i butë.
“Nëse tentojnë të tallen me ne, do të shohin që ekipi ynë negociator nuk do të jetë shumë i gatshëm të pranojë këtë”, shtoi ai.
Në përfundim, Vance theksoi se qëllimi i SHBA-së mbetet arritja e një dialogu konstruktiv: “Ne do të përpiqemi të zhvillojmë negociata pozitive”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
