Pekini akuzon Shtetet e Bashkuara të Amerikës për përdorimin e “standardeve të dyfishta” pasi Donald Trump kërcënoi ditët e fundit të vendoste tarifa shtesë prej 100 për qind mbi vlerën e mallrave të importuara në Shtetet e Bashkuara nga Kina përveç tarifave prej 30 për qind që janë tashmë në fuqi, dhe kufizimeve të tjera në eksportin e “softuerit kritik” duke filluar nga 1 nëntori.
Presidenti amerikan, i cili të premten kërcënoi të anulonte një takim me Xi Jinping të planifikuar në Korenë e Jugut në kuadër të samitit të APEC më 31 tetor dhe 1 nëntor, rindezi luftën tregtare me Kinën, duke akuzuar Pekinin për vendosjen e masave “jashtëzakonisht agresive” ndaj eksporteve të metaleve të rralla, një ditë pasi u njoftuan kontrollet e reja të eksportit mbi teknologjitë për nxjerrjen dhe përpunimin e këtyre mineraleve.
Ministria e Tregtisë në Pekin i quajti komentet e Trump “një shembull të standardeve të dyfishta”.
Kërcënimi për të futur tarifa të larta në çdo kohë nuk është qasja e duhur për t’u angazhuar me Kinën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
