Influencuesi kontrovers Andrew Tate dhe vëllai i tij, Tristan Tate, janë arrestuar në Shtetet e Bashkuara të Amerikës, pasi autoritetet britanike njoftuan ngritjen e akuzave të reja penale ndaj tyre.
Shërbimi i Prokurorisë së Kurorës në Mbretërinë e Bashkuar bëri të ditur se ndaj Andrew Tate janë ngritur shtatë akuza të reja për përdhunim, si edhe akuza të tjera që lidhen me trafikim njerëzor dhe materiale me pornografi të miturve.
Ndërkohë, Tristan Tate akuzohet për një rast të sulmit seksual, dy raste përdhunimi dhe tre akuza për organizim ose lehtësim të trafikimit për shfrytëzim seksual.
Sipas autoriteteve britanike, veprat penale të dyshuara dyshohet se janë kryer në periudhën nga korriku i vitit 2010 deri në gusht të vitit 2017.
Të dy vëllezërit kanë mohuar vazhdimisht çdo akuzë ndaj tyre.
"Këto vendime për ngritjen e akuzave erdhën pas marrjes së një dosjeje të re provash nga Policia e Bedfordshire dhe e çojnë në shtatë numrin total të viktimave të pretenduara në këtë çështje", deklaroi Malcolm McHaffie, drejtues i Divizionit të Krimeve të Rënda në CPS.
Shërbimi Amerikan konfirmoi për BBC se Andrew dhe Tristan Tate janë marrë në paraburgim, ndërsa një zëdhënës i Departamentit Amerikan të Drejtësisë tha se arrestimet janë kryer në kuadër të procedurave të ekstradimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
