Kompania mëmë e Facebook-ut, Meta Platforms, fitoi të martën betejën gjyqësore ndaj përpjekjes së qeverisë amerikane për të detyruar të shesë ose të ndajë nga struktura e saj Instagram dhe WhatsApp.
Një gjykatës federal vendosi se Meta nuk mban monopol në rrjetet sociale, duke i dhënë Big Tech fitoren e parë të madhe kundër fushatës antitrust që nisi gjatë mandatit të parë të ish-Presidentit Donald Trump.
Vendimi është një goditje e rëndë për Komisionin Federal të Tregtisë (FTC), i cili po ndjek paralelisht edhe një proces tjetër antitrust ndaj Amazon.
FTC kërkonte që Meta të ristrukturohej ose të detyrohej të shiste Instagram dhe WhatsApp, duke pretenduar se kompania i kishte blerë për të eliminuar konkurrentët e rinj në treg.
Aksionet e Meta-s ranë lehtë dhe u tregtuan me –0.3%, në 600.37 dollarë.
“Produktet tona janë të dobishme për njerëzit dhe bizneset dhe përfaqësojnë inovacionin amerikan. Ne presim të vazhdojmë bashkëpunimin me administratën dhe të investojmë në SHBA”, deklaroi një zëdhënës i Meta-s.
Meta bleu Instagram-in në vitin 2012 dhe WhatsApp në vitin 2014. Edhe pse FTC nuk i kundërshtoi blerjet në atë kohë, ajo paditi kompaninë në vitin 2020, duke pretenduar se Meta kishte krijuar një monopol në platformat amerikane për ndarjen e përmbajtjes me familjarët dhe miqtë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
