Tetë nxënës të ekipit të atletikës së një gjimnazi në Anaheim u plagosën të mërkurën pasdite kur një shofer doli nga rruga dhe u përplas me grupin që po priste tek semafori gjatë një stërvitjeje.
Sipas NBC News, Aksidenti ndodhi rreth orës 15:00 pranë Harbor Boulevard dhe North Street. Shtatë nxënës, të moshës 16–17 vjeç, u dërguan në spital me lëndime që nuk rrezikojnë jetën. Ata ishin të shoqëruar nga trajneri i tyre.
Policia identifikoi shoferin si Anthony Alva-Palafox, 27 vjeç. Ai kishte dritë jeshile, por humbi kontrollin e mjetit dhe goditi nxënësit. Sipas policisë, ai “shfaqi shenja të dukshme të dehjes” dhe u arrestua për dyshime të drejtimit nën ndikimin e alkoolit dhe drogës. Analizat e gjakut do të përcaktojnë nivelin e dehjes.
Pamjet nga NBC Los Angeles treguan makinën të përplasur në murin e jashtëm të një shtëpie, ndërsa ekipet e ndihmës së shpejtë trajtonin të plagosurit në vendngjarje.
Kongresisti Lou Correa tha se shumica e nxënësve janë në gjendje të stabilizuar, ndërsa një prej tyre po pret rezultate shtesë mjekësore. Distrikti i shkollave Anaheim Union shprehu mbështetje për familjet e nxënësve.
Mjeti i shoferit është sekuestruar, dhe policia po heton shpejtësinë dhe faktorë të tjerë që mund të kenë shkaktuar aksidentin. Një urdhër kontrolli për automjetin është në proces.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
