Presidenti i SHBA-ve njoftoi të premten se forcat amerikane dhe nigeriane kanë vrarë një udhëheqës të grupit Shteti Islamik (IS) me bazë në vendin afrikan të prekur nga dhuna xhihadiste.
Kjo është hera e dytë brenda pesë muajsh që presidenti amerikan ka nisur një ndërhyrje ushtarake në Nigeri.
Ky operacion shënjestroi Abu-Bilal al-Minuki, të cilin ai e përshkroi si numrin dy në ISIS në mbarë botën.
“Sonte, sipas udhëzimeve të mia, forcat e guximshme amerikane dhe forcat e armatosura të Nigerisë kryen në mënyrë të përsosuri një mision të planifikuar me kujdes dhe shumë kompleks për të eliminuar terroristin më aktiv në botë nga fusha e betejës ”, tha presidenti amerikan në rrjetin e tij social Truth.
“Me eliminimin e tij, aftësitë operacionale të ISIS-it në të gjithë botën janë zvogëluar ndjeshëm ”, pohoi Trump. “Ai nuk do të terrorizojë më popullsinë afrikane ose të kontribuojë në planifikimin e operacioneve që synojnë amerikanët ”, shtoi ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
