UNICEF: 18 000 fëmijë të vrarë në Gaza në 22 muaj, 28 në ditë

Që nga fillimi i luftës, mbi 18 000 fëmijë janë vrarë në Gaza. Kjo do të thotë mesatarisht 28 fëmijë në ditë, ekuivalenti i një klase.

Shifrat u bënë publike nga zv.drejtori Ekzekutiv i UNICEF-it, Ted Chaiban, i cili u kthye së fundmi nga një mision pesëditor në Izrael, Gaza dhe Bregun Perëndimor, përfshirë Jerusalemin Lindor.

"Gaza tani është seriozisht në rrezik nga uria. Situata," shtoi ai, "është përkeqësuar, por tani kemi dy tregues që kanë tejkaluar pragun e urisë. Një në tre persona në Gaza kalon ditë të tëra pa ushqim, dhe treguesi i kequshqyerjes ka tejkaluar pragun e urisë, me kequshqyerjen akute që tani tejkalon 16.5 përqind (në qytetin e Gazës). Sot, mbi 320 000 fëmijë të vegjël janë në rrezik nga kequshqyerja akute."

"Kemi mbi 1 500 kamionë të ngarkuar me furnizime ndihme të gatshme në korridoret midis Egjiptit, Jordanisë, Ashdodit dhe Turqisë. Disa kanë filluar të lëvizin dhe, në dy ditët e fundit”, përfundon ai, “kemi shpërndarë 33 kamionë me qumësht pluhur që shpëton jetë, biskota me vlerë të lartë energjie dhe pako higjienike. Por kjo është vetëm një pjesë e vogël e asaj që nevojitet.”