Një nga tërmetet e forta që goditën Venezuelën mbrëmjen e kaluar ishte më i fuqishmi që ka prekur vendin që nga viti 1900, sipas të dhënave të Shërbimit Gjeologjik të Shteteve të Bashkuara (USGS).
Sipas USGS, tërmeti i parë u regjistrua me magnitudë 7.2 ballë, ndërsa më pak se një minutë më vonë vendi u godit nga një tërmet i dytë me magnitudë 7.5 ballë.
Lëkundjet e forta shkaktuan panik te banorët dhe dëme në disa zona, ndërsa ekipet e emergjencës vijojnë vlerësimin e situatës në terren.
Të dhënat historike të USGS tregojnë se ngjarja sizmike e mbrëmshme është ndër më të fuqishmet në historinë moderne të Venezuelës.
Katalogu i agjencisë evidenton se tërmeti më i fortë i regjistruar më parë pranë brigjeve të vendit ishte ai i 29 tetorit 1900, i njohur si tërmeti i San Narcisos, me magnitudë 7.7 ballë.
Autoritetet nuk kanë publikuar ende një bilanc përfundimtar mbi dëmet materiale apo viktimat e mundshme, ndërsa monitorimi i aktivitetit sizmik në rajon vazhdon.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
