Një tërmet i fuqishëm me magnitudë 7.0 ka goditur qarkun malor Baqên në rajonin Nagqu të Tibetit, duke shkaktuar vdekjen e të paktën 16 personave dhe plagosjen e më shumë se 65 të tjerëve.
Sipas mediave shtetërore kineze, lëkundjet e cekëta dhe të forta kanë shkatërruar plotësisht 339 shtëpi dhe kanë detyruar zhvendosjen e mbi 12,400 banorëve.
Autoritetet kanë shpallur gjendjen e emergjencës dhe kanë nisur ekipet e kërkim-shpëtimit, por operacionet po vështirësohen nga rënia e shkëmbinjve që ka bllokuar rrugët në lartësi të mëdha.
Përveç dëmeve strukturore, zona u përball me ndërprerje masive të energjisë elektrike, ndërsa Shërbimi Gjeologjik i SHBA-së (USGS) ka regjistruar edhe shtatë pasgoditje të tjera, më e madhja prej 5.2 ballë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
