Faza e dytë e një rakete Falcon 9 të SpaceX, e përdorur në janar 2025 për të dërguar dy mjete robotike drejt Hënës, pritet të përplaset me sipërfaqen hënore gjatë së mërkurës.
Sipas NASA-s, nuk ekziston asnjë rrezik për Tokën, ndërsa ngjarja do të shfrytëzohet për qëllime shkencore. Raketa, me një peshë rreth 4 tonë, pritet të godasë zonën pranë kraterit Ajnshtajn, duke krijuar një krater me diametër 20–30 metra.
Përplasja nuk do të jetë e dukshme me sy të lirë, por do të monitorohet nga teleskopë dhe sonda hapësinore, përfshirë Lunar Reconnaissance Orbiter të NASA-s.
Shkencëtarët besojnë se kjo ngjarje do t'i ndihmojë të kuptojnë më mirë mënyrën se si materialet përhapen pas impakteve në Hënë, një aspekt i rëndësishëm për sigurinë e misioneve të ardhshme të programit Artemis dhe pranisë afatgjatë të njerëzve në sipërfaqen hënore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
