Presidenti i SHBA-së, Donald Trump, ka kërcënuar se do të vendosë një tarifë importi prej 100% ndaj çdo vendi evropian që vendos një taksë për shërbimet digjitale të kompanive amerikane të teknologjisë.
Në një postim në platformën e tij Truth Social, Trump deklaroi se “shumë vende evropiane” po diskutojnë vendosjen e një takse të tillë dhe disa prej tyre janë pranë zbatimit të saj.
Ai paralajmëroi se masat ndëshkuese do të hyjnë në fuqi menjëherë dhe do të tejkalojnë çdo marrëveshje ekzistuese tregtare dypalëshe.
“Çdo vend që vendos një taksë të tillë do të përballet menjëherë me një tarifë prej 100% për çdo mall të eksportuar në Shtetet e Bashkuara të Amerikës”, shkroi Trump.
Deklarata e tij vjen në një kohë kur disa vende evropiane po shqyrtojnë taksimin e kompanive të mëdha amerikane të teknologjisë, si Apple, Google, Meta dhe Amazon.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
