Një ekip shkencëtarësh, nënë e bijë, ka zbuluar koloninë më të madhe të koraleve të dokumentuar ndonjëherë në botë në Barriera e Madhe Koralore, pranë brigjeve të Australisë.
Kolonia e llojit Pavona clavus shtrihet rreth 111 metra në gjatësi sa një fushë futbolli dhe mbulon afro 3,973 metra katrorë.
Sipas organizatës Citizens of the Reef, ajo konsiderohet si struktura më e madhe koralore e hartuar ndonjëherë globalisht.
Korali u identifikua në fund të vitit të kaluar nga Sophie Kalkowski-Pope, koordinatore e operacioneve detare në organizatë, dhe nëna e saj Jan Pope, zhytëse dhe fotografe nënujore me përvojë, gjatë një misioni në kuadër të iniciativës Regjistrimi i Madh i Koraleve.
Madhësia u verifikua përmes matjeve manuale nënujore dhe imazheve me rezolucion të lartë, të cilat u përdorën për të krijuar një model 3D të strukturës.
Shkencëtarët po studiojnë kushtet e veçanta të zonës, përfshirë rrymat e forta të baticave dhe ekspozimin e ulët ndaj cikloneve tropikale, për të kuptuar se si kjo koloni ka arritur përmasa kaq të jashtëzakonshme.
Vendndodhja e saktë nuk është bërë publike për të shmangur dëmtimet e mundshme. Zbulimi vjen në një kohë kritike për shkëmbinjtë koralorë globalë, pasi mbi 80% e tyre janë prekur nga zbardhja masive e lidhur me temperaturat rekord të larta të detit që nga viti 2023.
Iniciativa synon të përfshijë shkencëtarë në monitorimin dhe mbrojtjen e ekosistemeve detare, duke ndihmuar në identifikimin e zonave kyçe për rimëkëmbje dhe ruajtje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
