Një avion i Marinës Meksikane që transportonte pacientë mjekësorë u rrëzua në Gjirin e Galvestonit të hënën pasdite, duke shkaktuar vdekjen e të paktën pesë personave, përfshirë një fëmijë 2-vjeçar, sipas një njoftimi nga zyrtarët e Gardës Bregdetare të SHBA-së.
Avioni, një bimotor i vogël turbo, kishte në bord tetë persona, katër anëtarë të ekuipazhit të Marinës dhe katër civilë. Ai po transportonte pacientë me djegie drejt “Shriners Children’s Hospital” në Galveston, në bashkëpunim me “Fondacionin Michou dhe Mau”.
Sipas CNN, një nga banorët, u hodh për të shpëtuar një grua të bllokuar në rrënoja para se të arrinin ekipet e shpëtimit, duke e nxjerrë atë gjallë nga avioni.
Zyrtarët thanë se një person mbetet i zhdukur dhe dy të tjerë u shpëtuan, por gjendja e tyre nuk është e qartë. Shkaku i rrëzimit po hetohet nga FAA dhe NTSB, me mbështetjen e autoriteteve lokale.
Marina e Meksikës shprehu ngushëllimet më të thella për familjet e viktimave dhe po koordinon veprimet me Konsullatën e Meksikës në Houston. Fondacioni Michou dhe Mau deklaroi se do të vazhdojë të ofrojë kujdes human dhe të ndjeshëm për fëmijët me djegie.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
