Ish-kryeministri francez Gabriel Attal njoftoi zyrtarisht sot se do të jetë kandidat në zgjedhjet presidenciale që do të mbahen në pranverën e vitit 2027.
Attal, i cili është sekretar i partisë Rilindja, e cila është e afërt me Presidentin Emmanuel Macron, tha se ditët më të mira për Francën janë përpara dhe se një vend i bashkuar mund të shpresojë për një të ardhme më të mirë.
“E dua Francën dhe francezët dhe kjo është arsyeja pse vendosa të kandidoj për president të Republikës”, tha ish-kryeministri.
Ndërkohë, kryetarja e grupit parlamentar të partisë së ekstremit të djathtë Tubimi Kombëtar, Marine Le Pen, tha se nëse më 7 korrik gjyqësori francez vendos përfundimisht dhe në mënyrë të pakthyeshme se ajo nuk do të jetë në gjendje të kandidojë në zgjedhjet e ardhshme presidenciale për shkak të skualifikimit të saj, atëherë ajo do të marrë pjesë në fushatën zgjedhore në favor të presidentit të partisë, Jordan Bardella.
Le Pen tha se nuk ka ndërmend të bëhet kryeministre nëse Bardella fiton zgjedhjet presidenciale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
