“Sagrada Familia” bëhet kisha më e lartë në botë

Bazilika ikonike "Sagrada Familia" e Barcelonës ka marrë një titull të ri, kisha më e lartë në botë.

Ajo e ka tejkaluar Ulm Münster pasi një pjesë e kullës së saj qendrore u ngrit të enjten, duke arritur tani një lartësi prej 162.91 metrash.

Ulm Münster, një kishë gotike luterane e ndërtuar midis viteve 1543 dhe 1890, kishte mbajtur titullin e kishës më të lartë në botë me 161.5 metra, derisa Sagrada Familia e mundi atë me një metër.  

Kulla qendrore e Sagrada Familias pritet të përfundojë vitin e ardhshëm, dhe në atë moment ajo do të arrijë 172 metra.

Ndërtimi i Sagrada Familia filloi në vitin 1882, por arkitekti Antoni Gaudi nuk priste kurrë ta shihte të përfunduar. Vetëm një kullë qëndronte në këmbë kur ai vdiq në vitin 1926. 

Kulla qendrore e bazilikës është planifikuar të përfundojë vitin e ardhshëm, duke shënuar 100-vjetorin e vdekjes së Gaudit. 

Puna në fasadat dhe brendësinë e kishës do të vazhdojë për vite me radhë. Përfundimi i plotë pritet brenda dekadës së ardhshme, sipas zyrtarëve të kishës.