Meksikë- Të paktën tetë persona kanë humbur jetën në Sonora pas injektimit të serumeve me vitamina.
"Janë regjistruar njëmbëdhjetë raste të dyshuara të lidhura me aplikimin e tretësirave intravenoze nga i njëjti mjek. Nga totali, janë raportuar tetë vdekje, një person i shtruar në spital dhe dy të shëruar", thuhet në deklaratën e autoriteteve meksikane.
Mjeku 65-vjeçar është shpallur në kërkim ndërkombëtar.
Çfarë është serumi i vitaminave?
Aplikimi i serumeve të pasuruara me vitamina, i njohur edhe si terapi intravenoze, është bërë kohët e fundit popullor si një trajtim për lodhjen dhe dehidratimin. Disa qendra e promovojnë atë gjithashtu si një substancë që ndihmon në forcimin e sistemit imunitar, detoksifikimin e trupit dhe luftimin e plakjes.
Në përgjithësi është një koktej që zakonisht përfshin vitamina B, vitaminë C, elektrolite dhe magnez.
Sekretari i Shëndetësisë David Kershenobich tregoi se ai përmbante edhe substanca të tjera të reklamuara si "qeliza staminale", duke ngritur shqetësime për mashtrim të mundshëm ose praninë e përbërësve veçanërisht të rrezikshëm, por ende të paidentifikuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
