Wolfgang Porsche, trashëgimtari i kompanisë së njohur të automobilave, ka hequr dorë nga planet për ndërtimin e një tuneli privat 500 metra në Salzburg, pas reagimeve të forta publike ndaj projektit që u cilësua si "tuneli për një".
83-vjeçari kishte blerë në vitin 2020 një vilë historike të shekullit XVII, dikur shtëpia e shkrimtarit Stefan Cvajg, dhe kishte marrë leje për ndërtimin e një tuneli që do të lidhte një parking publik me garazhin nëntokësor të rezidencës së tij.
Tashmë vila është nxjerrë në shitje për 12.7 milionë euro, ndërsa leja për tunelin mbetet e vlefshme deri në fund të vitit 2028.
Sipas mediave lokale, kritikat e shumta ndaj projektit dhe debatet për pabarazinë sociale ndikuan në vendimin e Porsche për të braktisur planet dhe për të shitur pronën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
