Prokurorët polakë akuzojnë dy shtetas rusë për spiunazh për shërbimet e inteligjencës ruse dhe njërin prej tyre për komplot për të dërguar një pako që përmbante eksploziv.
Autoritetet europiane janë në gatishmëri të lartë për pako shpërthyese pas një serie shpërthimesh në depot e korrierëve në Britani, Gjermani dhe pranë Varshavës.
Zyrtarët perëndimorë kanë fajësuar Rusinë për incidentet. Ndërkohë Moska i mohon akuzat.
Një nga rusët i cili përballet me akuza për spiunazh në Poloni, Igor R., akuzohet për pjesëmarrje në një komplot për të dërguar një pako që përmbante eksplozivë nëpërmjet korrierit.
“Pakoja përmbante pajisje dhe materiale shpërthyese në formën e nitroglicerinës, si dhe detonatorë elektrikë të fshehur”, thanë prokurorët polakë.
Igor R. dhe gruaja e tij, Irina, u akuzuan edhe për dhënien e informacionit shërbimeve të inteligjencës ruse në lidhje me aktivistët e opozitës ruse që banojnë në Poloni, si dhe me individë dhe institucione që u ofrojnë ndihmë këtyre individëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
