Presidenti amerikan Donald Trump refuzon të lejojë Gjykatën Supreme t’i lidhë duart dhe vendos tarifa të reja globale, duke i vendosur fillimisht në 10% dhe më pas, më pak se 24 orë, në 15%.
Kjo masë goditëse pasqyron dëshirën e tij për të treguar muskujt dhe për të konfirmuar statusin e tij si një president i aftë të kapërcejë çdo pengesë, nga skandali Epstein deri te Gjykata Supreme.
“Si President, duke filluar menjëherë, do të rris tarifat globale nga 10% për vendet, shumë prej të cilave i kanë ‘mashtruar’ Shtetet e Bashkuara për dekada të tëra, pa hakmarrje (derisa erdha unë!), në nivelin plotësisht të lejueshëm dhe të testuar ligjërisht prej 15%”, njoftoi ai në llogarinë e tij në mediat sociale, Truth, duke iu referuar Seksionit 122 të Aktit të Tregtisë të vitit 1974, i cili nuk është përdorur kurrë më parë, por lejon vendosjen e tarifave deri në 15% për një periudhë prej 150 ditësh pa miratimin e Kongresit.
Tarifat e reja do të hyjnë në fuqi në mesnatë më 24 shkurt dhe do të zgjasin afërsisht pesë muaj.
Administrata synon ta përdorë këtë kohë për të mprehur armët e saj dhe për të vendosur për kundërmasat pasi Gjykata Supreme i shpalli të paligjshme tarifat e vendosura sipas Aktit Ndërkombëtar të Fuqive Ekonomike të Emergjencës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
