Presidenti gjerman Frank-Walter Steinmeier e ka cilësuar luftën e Shteteve të Bashkuara të Amerikës dhe Izraelit kundër Iranit si “shkelje të së drejtës ndërkombëtare”.
Duke folur në 75-vjetorin e Ministrisë së Jashtme gjermane, ai theksoi se besimi global ndaj politikës amerikane është dëmtuar ndjeshëm dhe paralajmëroi për përçarje të thella mes aleatëve.
Steinmeier hodhi poshtë argumentin për vetëmbrojtje të mbështetur në nenin 51 të Kartës së OKB-së, duke thënë se nuk ka prova për një kërcënim të menjëhershëm nga Irani. Edhe ekspertë ligjorë ndërkombëtarë kanë vënë në dyshim ligjshmërinë e ndërhyrjes ushtarake.
Ndërkohë, kancelari gjerman Friedrich Merz ka mbajtur një qëndrim më të rezervuar, duke shprehur shqetësime për ndikimet ekonomike dhe rrezikun e migracionit, por pa e dënuar drejtpërdrejt ndërhyrjen. Ai ka theksuar se Gjermania nuk do të përfshihet në konflikt.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
