Garda Revolucionare Iraniane njoftoi se trafiku detar në Ngushticën e Hormuzit është ngadalësuar ndjeshëm dhe më pas është ndaluar, pas asaj që ata e quajtën shkelje të armëpushimit nga Izraeli në Liban. Sipas transmetuesit iranian PressTV, të cituar nga Times of Israel, Ngushtica e Hormuzit është mbyllur përsëri pasi një cisternë nafte me sa duket është kthyer prapa ndërsa i afrohej pikës së kalimit.
Cisterna Aurora bëri një kthesë të papritur 180 gradë ndërsa i afrohej daljes së ngushticës dhe u kthye në Gjirin Persik.
Marina e Gardës Revolucionare Iraniane (IRGC) ka njoftuar se anijet që kalojnë tranzit në Ngushticën e Hormuzit duhet të ndjekin dy rrugë alternative, afër bregdetit iranian, për shkak të mundësisë së minave përgjatë rrugës së zakonshme, më larg bregdetit.
“Për t’u mbrojtur nga goditjet e mundshme nga minat, në koordinim me IRGC-në (IRGC), deri në njoftim të mëtejshëm, anijet do të duhet të ndjekin rrugë alternative për trafikun në Ngushticën e Hormuzit”, raportoi agjencia e lajmeve Mehr, duke cituar një deklaratë të shoqëruar nga një hartë detare që tregon rrugët në jug dhe në veri të ishullit Larak.
Njoftimi ofron një rrugë alternative për hyrjen dhe daljen nga Ngushtica. Për të hyrë në Gjirin Persik nga Deti i Omanit, anijet duhet të kalojnë midis bregdetit iranian dhe Larakut.
Rruga e daljes nga Gjiri Persik kalon në jug të këtij ishulli dhe shmang rrugën normale më afër bregdetit të Omanit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
