Izraeli dhe forcat e tij të sigurisë dyshohet se kanë shënjestruar qëllimisht të miturit palestinezë, duke rezultuar në akte që përbëjnë gjenocid, krime kundër njerëzimit dhe krime lufte në Rripin e Gazës , sipas një komisioni të pavarur të Kombeve të Bashkuara.
Raporti i Komisionit të Pavarur Ndërkombëtar Hetimor të OKB-së mbi Territoret e Pushtuara Palestineze dhe Izraelin shqyrton shkeljet që, sipas tij, janë kryer që nga fillimi i luftës më 7 tetor 2023.
Sipas komisionit:
-Rreth 30% e viktimave në luftën e Gazës ishin fëmijë
-Të paktën 20,179 fëmijë të vrarë në dy vjet
-Ka indikacione se fëmijët janë shënjestruar qëllimisht nga forcat izraelite.
-Sulmet në zona me popullsi të dendur me armë të rënda kontribuan në një numër të madh viktimash të vogla.
Komiteti argumenton se këto elementë përbëjnë prova të “qëllimit gjenocidal”, pasi aftësia e popullsisë palestineze për të vazhduar të ekzistojë dhe për të formësuar të ardhmen e saj po preket.
Raporti shtrihet edhe në Bregun Perëndimor, ku regjistron:
-rritje e dhunës nga kolonët izraelitë
-keqtrajtimi dhe tortura e fëmijëve në arrestime masive
-praktika që karakterizohen si krime kundër njerëzimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
