Një dron rus është përplasur në oxhakun e një termocentrali në Estoni. Ngjarja u njoftua nga Shërbimi i Sigurisë së Brendshme (ISS) i Estonisë, duke thënë se pavarësisht kësaj nuk kishte pasoja për rrjetin.
Një dron goditi oxhakun e termocentralit Auvere. Askush nuk u lëndua në incident. Droni hyri në hapësirën ajrore të Estonisë nga hapësira ajrore ruse.
Zyra e Prokurorit deklaroi se droni nuk ishte drejtuar qëllimisht drejt termocentralit Auvere ose Estonisë.
Qeveria e Talinit do të mblidhet në një seancë të jashtëzakonshme këtë mëngjes për të diskutuar sigurinë kombëtare, njoftoi Ministrja e Drejtësisë Liisa-Ly Pakosta për transmetuesin publik ERR.
Kompania e energjisë elektrike Enefit Power thotë se nuk ka pasur dëme në termocentral dhe se aksidenti nuk do të ketë një ndikim të rëndësishëm në sistemin e energjisë elektrike të Estonisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
