Shtetet e Bashkuara të Amerikës duan që Europa të marrë kontrollin e shumicës së aftësive mbrojtëse konvencionale të NATO-s, nga inteligjenca te raketat, deri në vitin 2027.
Burime të informuara i thanë kërkesën e SHBA Reuters, e cila e raportoi ekskluzivisht lajmin në faqen e saj, duke cituar zyrtarë të lartë të Pentagonit.
Mesazhi u përcoll gjatë një takimi këtë javë në Uashington midis stafit të Pentagonit që mbikëqyr politikën e NATO-s dhe disa delegacioneve evropiane.
Zyrtarët e Pentagonit të përfshirë në politikën e NATO-s u kanë komunikuar përfaqësuesve europianë kërkesën e tyre që Europa të marrë përgjegjësinë për pjesën më të madhe të aftësive mbrojtëse konvencionale të Aleancës Atlantike, nga inteligjenca te raketat, deri në vitin 2027.
Nëse Europa nuk i përmbahet këtij ultimatumi, Shtetet e Bashkuara mund të tërhiqen nga mekanizmat e koordinimit të mbrojtjes të NATO-s, thanë burimet.
Amerikanët ua bënë të qartë europianëve se Uashingtoni ende nuk është i kënaqur me përparimin e Europës në forcimin e aftësive të saj mbrojtëse që nga pushtimi i Ukrainës nga Rusia në shkurt 2022.
Megjithatë, disa përfaqësues europianë shprehin dyshime në lidhje me fizibilitetin e një afati të tillë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
