Një pikturë e artistit figurativ amerikan Mark Rothko është shitur për mbi 62 milionë dollarë në ankandin e Christie’s në New York.
Bëhet fjalë për pikturën “N.31 (Vija e Verdhë)” , në nuanca të portokallit dhe të kuqes në një sfond të verdhë, e cila i përkiste koleksionit të manjatit të shitjes me pakicë në shkallë të gjerë Robert Weis dhe gruas së tij Patricia.
Kryevepra të tjera u shitën gjithashtu nga koleksioni Weis, i cili hapi sezonin njëjavor të ankandeve. Midis tyre, një pikturë nga Pablo Picasso që përshkruante muzën e tij Marie-Therese Walter duke lexuar, u shit për gati 45.5 milionë dollarë, dhe “Figurë dhe Buqetë” e Henri Matisse, e cila u shit për 32.3 milionë dollarë.
Më pas, Christie’s organizoi një ankand me vepra arti të shekullit të 20-të, duke regjistruar shitje të konsiderueshme. Një pikturë nga seria e famshme “Zambakë uji” e Claude Monet u shit për gati 45.5 milionë dollarë, ndërsa një pikturë nga David Hockney që përshkruante shkrimtarin Christopher Isherwood dhe partnerin e tij Don Bachardy u shit për 44.3 milionë dollarë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
