Programi Botëror i Ushqimit (WFP) paralajmëron se fenomeni klimatik El Niño mund të shtyjë rreth 50 milionë njerëz në uri akute deri në fund të vitit të ardhshëm, duke rënduar edhe më tej krizën globale të sigurisë ushqimore.
Sipas raportit, rajonet më të prekura pritet të jenë Amerika Qendrore dhe Jugore, Karaibet dhe Afrika Jugore, ndërsa në Azinë Jugore dhe Juglindore reshjet nën mesatare mund të shkaktojnë dëme serioze në bujqësi.
WFP thekson se El Niño, i cili po konsiderohet ndër më të fuqishmit në dekada, po përforcohet nga ndryshimet klimatike dhe mund të ndikojë edhe në rritjen e çmimeve të ushqimeve në nivel global. Organizata ka ndarë të paktën 80 milionë dollarë për masa parandaluese dhe sisteme paralajmërimi të hershëm, por paralajmëron se pasojat mund të zgjasin për disa sezone bujqësore.
Ekspertët u bëjnë thirrje vendeve eksportuese të shmangin kufizimet ndaj eksporteve të ushqimeve, pasi masa të tilla mund të përkeqësojnë krizën dhe të rrisin çmimet në tregjet ndërkombëtare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
