Koreja e Veriut lëshoi disa raketa balistike me rreze të shkurtër veprimi në Detin e Japonisë sot, më 19 prill, si pjesë e një serie testesh raketash të kryera në javët e fundit.
Shefat e Përbashkët të Shtabit të Forcave të Armatosura të Koresë së Jugut njoftuan lëshimet rreth orës 06:10 të mëngjesit sipas orës lokale nga zona Sinpo dhe se raketat udhëtuan afërsisht 140 kilometra.
Autoritetet e inteligjencës së Koresë së Jugut dhe SHBA-së po kryejnë një analizë të detajuar të specifikimeve teknike të raketave.
Lëshimet e sotme i shtohen një serie testesh të kryera nga Pheniani në javët e fundit, të cilat përfshinin raketa balistike, raketa lundrimi kundër anijeve dhe municione thërrmuese.
Në fillim të prillit, lideri i Koresë së Veriut Kim Jong Un mbikëqyri lëshimin e raketave strategjike lundrimi nga një anije luftarake.
Seuli thirri një takim urgjent të Këshillit të Sigurisë Presidenciale dhe deklaroi se mbante një “qëndrim të fortë mbrojtës të kombinuar” me Shtetet e Bashkuara, gati për tiu përgjigjur me forcë çdo provokimi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
