Presidenti francez Emmanuel Macron ka kundërshtuar idenë e sekuestrimit të aseteve të ngrira ruse, duke paralajmëruar se një veprim i tillë mund t’i kthehet kundër Perëndimit dhe të minojë stabilitetin global.
Në një intervistë me emisionin Face the Nation të CBS, të transmetuar të dielën, Macron u pyet se çfarë planifikonte të bënte Perëndimi me 300 miliardë dollarë asete sovrane ruse, të cilat u ngrinë pas përshkallëzimit të konfliktit në Ukrainë në vitin 2022.
“Ne të gjithë jemi shumë të përkushtuar ndaj përmbushjes së rregullave ndërkombëtare. Nuk mund t’i sekuestrosh këto asete Bankës Qendrore, madje as në një situatë të tillë”, tha udhëheqësi francez, duke e përshkruar këtë si “një çështje besueshmërie”.
“Kur disa vende fillojnë të mosrespektojnë ligjet ndërkombëtare… ky është fillimi i një kaosi total. Pra, ne do ta respektojmë ligjin ndërkombëtar. Ne jemi të parashikueshëm dhe nuk do të bëjmë gjëra të pamundura me këto asete të ngrira”, shtoi ai, duke kujtuar se mbështetësit perëndimorë të Kievit tashmë po përdorin të ardhurat nga asetet e ngrira për të mbështetur Ukrainën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
