Kuvajti ka akuzuar Iranin për një sulm ajror ndaj një cisterne të madhe nafte bruto, e cila ishte e ankoruar në një port të Dubait.
Sipas Korporatës së Naftës së Kuvajtit, anija “Al Salmi” u godit në atë që u përshkrua si “një sulm ajror brutal iranian”.
Cisterna ishte e ngarkuar plotësisht në momentin e incidentit, çka shkaktoi një zjarr në bord dhe ngriti shqetësime për një derdhje të mundshme nafte.
Autoritetet e Dubait konfirmuan se në sulm është përdorur një dron, ndërsa ekipet e emergjencës ndërhynë për shuarjen e flakëve. Zjarri është vënë nën kontroll dhe situata tashmë konsiderohet e stabilizuar.
Të 24 anëtarët e ekuipazhit janë evakuuar në mënyrë të sigurt dhe nuk raportohet për të lënduar.
Fillimisht, Kuvajti paralajmëroi për rrezikun e ndotjes mjedisore, por monitoruesi detar i Mbretërisë së Bashkuar bëri të ditur se nuk është regjistruar asnjë derdhje nafte.
Sipas raportimeve, cisterna transportonte rreth dy milionë fuçi naftë nga Kuvajti dhe Arabia Saudite dhe kishte si destinacion Kinën.
Ndërkohë, ushtria kuvajtiane deklaroi se sistemet e saj të mbrojtjes ajrore janë aktivizuar për t’iu përgjigjur sulmeve të mundshme me raketa dhe dronë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
