Autoritetet franceze njoftojnë se dy të dyshuar janë arrestuar për vjedhjen e xhevahireve të çmuara nga muzeu i Luvrit në Paris. Sipas zyrës së prokurorit të Parisit, njëri prej burrave u arrestua ndërsa po përgatitej të merrte avionin nga aeroporti “Charles de Gaulle”.
Bizhuteri me vlerë rreth 88 milionë euro u vodhën nga muzeu më i vizituar në botë të dielën e kaluar.
Sipas hetimeve, katër të dyshuarit hynë me forcë në ndërtesë në mes të ditës. Protokollet e sigurisë dështuan, sipas Ministrisë franceze të Drejtësisë. Prokuroria nuk ka dhënë detaje për personat e arrestuar, përveçse aksionit që u krye mbrëmjen e së shtunës.
Sipas hetuesve, ka pasur pengim të hetimeve për shkak të rrjedhjes së informacionit nëpër media.
Teksa kanë ndërtuar dinamikën e ngjarjes, hetuesit thonë se grabitësit hynë në muze në orën 09:30 të mëngjesit, pak pasi muzeu u çel për vizitorët. Ata përdorën një ashensor me shkallë lëvizëse për të hyrë në Galerinë e Apollonit nëpërmjet një ballkoni afër lumit Sena.
Dy prej hajdutëve hynë brenda duke prerë me mjete preçize dritare.
Pastaj ata kërcënuan rojet dhe prenë xhamin e dy vitrinave që mbanin bizhuteritë e shtrenjta. Një në tre dhoma në zonën e muzeut nuk kishte kamera, sipas mediave franceze. Policia franceze thotë se hajdutët qëndruan brenda katër minuta dhe u arratisën me dy motora skuter që prisnin jashtë, në orën 09:38.
Pas kësaj ngjarjeje, zyrtarët kanë shtuar masat e sigurisë përreth institucioneve kulturore në Francë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
