Situata rreth centralit bërthamor Zaporizhzhia, i cili është nën kontrollin rus, në Ukrainë po arrin “pikën pa kthim” për shkak të sulmeve në rritje të Ukrainës në zonë, deklaroi të hënën kreu i korporatës shtetërore bërthamore të Rusisë, Rosatom.
Menaxhimi i vendosur nga Rusia në centralin bërthamor, më i madhi në Evropë me gjashtë reaktorë, tha se forcat ukrainase e kishin sulmuar objektin për të tretën ditë radhazi.
“Po i afrohemi gjithnjë e më shumë pikës pa kthim dhe e gjithë Evropa tani duhet të bëjë përpjekje për të çtensionuar situatën rreth centralit bërthamor Zaporizhzhia”, cituan mediat ruse të thoshin Alexei Likhachev, kreu i Rosatom.
Kjo është lojë me zjarrin dhe në radhë të parë, është e rrezikshme për vendet e Evropës Lindore.
Likhachev tha se në central ndodheshin rreth 2600 ton metrikë karburant bërthamor. Centrali nuk gjeneron energji elektrike, por duhet të vazhdojë të funksionojë për ta mbajtur karburantin bërthamor të freskët.
Menaxhimi i uzinës, në një postim në Telegram, tha se sulmi i fundit me dron nuk kishte shkaktuar lëndime ose dëme në objektet në uzinë, e cila vazhdoi të operonte normalisht.
Në deklaratë thuhej se monitoruesve të përhershëm të Agjencisë Ndërkombëtare të Energjisë Atomike, mbikëqyrësit bërthamor të OKB-së, u ishin treguar dëme nga një incident i së dielës, kur menaxhimi i uzinës tha se bombardimet ukrainase goditën një punishte transporti.
Centrali i Zaporizhzhisë u pushtua nga forcat ruse në javët e para pas pushtimit të Ukrainës nga Kremlini në shkurt 2022. Secila palë e ka akuzuar rregullisht tjetrën për aktivitet ushtarak që mund të kompromentojë sigurinë bërthamore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
