SHBA propozon armëpushim 45 ditor, Irani e refuzon dhe këmbëngul në përfundimin e përhershëm të luftës

Presidenti i SHBA-së, Donald Trump, e cilësoi të hënën një propozim për armëpushim 45-ditor me Iran si një “hap shumë domethënës” në konfliktin e vazhdueshëm, pavarësisht refuzimit zyrtar nga Teherani dhe vijimit të përplasjeve në rajonin e Lindjes së Mesme.

Duke folur nga White House gjatë aktivitetit tradicional të Pashkëve, Trump deklaroi se plani mbetet në negociata dhe përfaqëson progres, por theksoi se “nuk është mjaftueshëm i mirë”.

“Ata po negociojnë tani. Do të shohim çfarë do të ndodhë”, u shpreh ai, duke lënë të kuptohet se operacionet ushtarake amerikane në kuadër të “Operacionit Epik Tërbim” do të vijojnë deri në arritjen e një marrëveshjeje të pranueshme.

Një zyrtar i Shtëpisë së Bardhë konfirmoi më herët se propozimi për armëpushim është ende në shqyrtim dhe nuk është miratuar nga presidenti. Sipas burimeve, iniciativa është ndërmjetësuar nga aktorë të ndryshëm ndërkombëtarë dhe synon një ndalim të përkohshëm të luftimeve për të hapur rrugën drejt negociatave më të gjera.

Nga ana tjetër, media shtetërore iraniane raportoi se Teherani e ka refuzuar atë që e cilëson si “propozim amerikan”, duke kërkuar një zgjidhje përfundimtare të konfliktit dhe jo një pauzë të përkohshme.

“Ne po bëjmë thirrje për t’i dhënë fund luftës dhe për të parandaluar përsëritjen e saj”, u citua të ketë thënë zëdhënësi i ministrisë së jashtme Esmail Baghaei nga agjencia shtetërore e lajmeve e Iranit, IRNA.

Reuters raportoi të hënën se Irani dhe SHBA-të kanë marrë një propozim për t'i dhënë fund armiqësive që mund të hyjë në fuqi të hënën. Axios raportoi gjithashtu se SHBA-të, Irani dhe ndërmjetësit rajonalë po diskutonin një armëpushim të mundshëm 45-ditor si pjesë e një marrëveshjeje dyfazore që do të çonte në një përfundim të përhershëm të luftës.

Ai shtoi se Irani ka formuluar një përgjigje ndaj kërkesave të Shteteve të Bashkuara për t'i dhënë fund luftës dhe do ta shpallë atë "kur të jetë e nevojshme", duke iu referuar listës prej 15 pikash të kërkesave që Uashingtoni ia përcolli Teheranit përmes Pakistanit.

Propozimi ishte “jashtëzakonisht i tepruar, i pazakontë dhe jologjik”, duke shtuar se Irani ka një “përvojë shumë të hidhur në negociatat me SHBA-në”, tha ai.