Një person është arrestuar nga policia në Britaninë e Madhe si pjesë e hetimit për sulmet kibernetike që goditën disa aeroporte europiane gjatë fundjavës, përfshirë aeroportin Heathroë të Londrës.
Agjencia Kombëtare Kundër Krimit tha se një burrë 40-vjeçar u arrestua në West Sussex, në Anglinë jugore.
Ai akuzohet për përfshirje në sulmin kibernetik që preku rrjetin kompjuterik të kompanisë amerikane Collins Aerospace, efektet e të cilit u ndjenë për ditë të tëra në disa aeroporte, të cilave kompania u ofron softuer për regjistrimin dhe trajtimin e bagazheve, duke rezultuar në vonesa të fluturimeve.
Sipas asaj që u zbulua nga organet hetimore të vendeve të ndryshme të përfshira përfshirë Belgjikën, Francën dhe Gjermaninë, si dhe Mbretërinë e Bashkuar, pista është ajo e ransomware-it të dyshuar, një sulm kibernetik i kryer me qëllim zhvatjeje nga hakerat që kërkojnë shpërblim.
Identiteti i të arrestuarit momentalisht po mbahet i fshehtë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
