Vetëm pak ditë larg nisjes, NASA po përgatitet për misionin Artemis II, që do të dërgojë katër astronautë në rrugën e tyre drejt Hënës. Ky udhëtim synon të hapë rrugën për ulje të qëndrueshme në Hënë dhe, në planin afatgjatë, një bazë hënore që mund të shërbejë si platformë për udhëtimet drejt Marsit.
Programi Artemis ka kërkuar vite pune, mijëra profesionistë dhe 93 miliardë dollarë investim. Por përveç prestigjit, arsyeja shkencore është e qartë: Hëna përmban elementë të rrallë, metale si hekuri dhe titaniumi, helium dhe, më e rëndësishmja, ujin, të domosdoshëm për të jetuar atje dhe për karburant hapësinor.
Rikthimi në Hënë nuk është thjesht nostalgji pas Apollos. SHBA dhe Kina synojnë të sigurojnë qasje në zonat më të pasura me burime, ndërsa Hëna ofron një laborator të sigurt për teknologjitë që më vonë do të përdoren në Mars.
Misionet e mëparshme na kanë dhënë një kuptim të ri të historisë së Hënës dhe të Tokës, ndërsa Artemis synon të frymëzojë një brez të ri shkencëtarësh dhe inxhinierësh, duke sjellë edhe përfitime ekonomike për ekonominë hapësinore.
Siç thotë astronautja e parë britanike, Helen Sharman: “Kjo na tregon se për çfarë janë të aftë njerëzit.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
