Kryeministri i Skocisë: Ajo që po bën Izraeli në Gaza është gjenocid

Kryeministri skocez, John Swinney, i ka quajtur veprimet e Izraelit në Gaza "gjenocid", duke theksuar se ky është një fakt i padiskutueshëm.

Swinney është udhëheqësi i dytë i Mbretërisë së Bashkuar që përdor termin "gjenocid" në lidhje me sulmet e Forcave Mbrojtëse të Izraelit kundër palestinezëve në Rrip, pas Michelle O'Neill të Sinn Féin, e cila e bëri këtë muajin e kaluar.

Raporton The Guardian.

"Është mjaft e qartë se gjenocidi po ndodh në Palestinë: nuk mund ta mohosh," tha Swinney gjatë një eventi në Edinburg. "Kam parë raportime për mizori të tmerrshme që përbëjnë gjenocid. E kam shprehur këtë, dhe padyshim që nuk është kuptuar nga të gjithë, por ky është mendimi im."