Në rrjet qarkullon një foto, në të cilën një ushtar izraelit shfaqet duke i futur një cigare në gojë një statuje të Virgjëreshës Mari në një fshat të krishterë në Libanin jugor.
Mediat izraelite dhe libaneze raportuan se fotoja është shkrepur në fshatin Debel, në Libanin jugor, ku disa javë më parë një ushtar tjetër i IDF-së shkatërroi një statujë të Jezusit, çka solli reagime në të gjithë botën.
"IDF-ja e merr shumë seriozisht këtë incident: sjellja e ushtarit devijon plotësisht nga vlerat e pritura nga luftëtarët tanë", tha një zëdhënës i ushtrisë izraelite në një deklaratë.
"Një hetim paraprak ka zbuluar se fotografia është bërë disa javë më parë.
Incidenti do të hetohet dhe do të merren masa disiplinore kundër ushtarit bazuar në gjetjet. IDF-ja respekton lirinë e besimit, vendet e shenjta dhe simbolet fetare të të gjitha feve dhe komuniteteve."
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
