Të paktën pesë persona kanë humbur jetën dhe disa të tjerë janë plagosur si pasojë e një zjarri që shpërtheu në një pallat 10-katësh në qytetin e Antwerp, në Belgjikë.
Zjarri ra pak para orës 10:00 të mëngjesit të së mërkurës në katin e tetë të ndërtesës, e cila ndodhet në lagjen Linkeroever.
Policia belge njoftoi se në ndërtesë jetojnë më shumë se 200 persona dhe se trupat e disa viktimave janë gjetur tashmë.
Zjarrfikësit po vijojnë kontrollet derë më derë për të gjetur viktima të tjera të mundshme, ndërsa autoritetet po hetojnë shkaqet e zjarrit.
Mes të evakuuarve ishte edhe ish-kryetari i bashkisë së Antwerpit, Bob Cools, i cili u transportua në spital së bashku me bashkëshorten e tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
