Rihanna, një nga yjet më të mëdhenj të muzikës pop, ka përjetuar momente frike pasi rezidenca e saj në Beverly Hills, në California, u qëllua me armë zjarri. Sipas raportimeve të policisë, këngëtarja ndodhej brenda në shtëpi në momentin e incidentit, por fatmirësisht nuk u lëndua.
Ngjarja ndodhi në orët e para të pasdites të së dielës, më 8 mars. Hetuesit bëjnë me dije se një grua 30-vjeçare mbërriti pranë pronës me një automjet të bardhë Tesla Model S. Pasi ndaloi makinën, ajo uli xhamin dhe hapi zjarr nga sedilja e shoferit me një pushkë gjysmëautomatike tip AR-15 rifle, duke qëlluar të paktën dhjetë herë.
Pas të shtënave, gruaja u largua me shpejtësi nga vendi i ngjarjes. Sipas policisë së Los Angeles, katër plumba ose fragmente goditën pjesë të ndryshme të pronës, ndërsa njëri prej tyre depërtoi edhe në murin e shtëpisë.
Autorja e dyshuar u arrestua pak më vonë nga policia dhe është marrë në pyetje për motivin e sulmit, i cili deri më tani mbetet i paqartë. Fatmirësisht, askush nuk mbeti i lënduar nga incidenti.
Rezidenca luksoze në Beverly Hills, ku jeton këngëtarja së bashku me partnerin e saj, reperin A$AP Rocky, dhe fëmijët e tyre, është blerë në vitin 2020 dhe vlerësohet rreth 18 milionë dollarë. Autoritetet po vijojnë hetimet për të zbardhur plotësisht rrethanat e ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
